Irani ka paralajmëruar se anijet që i përkasin vendeve që zbatojnë sanksionet e Shteteve të Bashkuara do të përballen me vështirësi në kalimin e Ngushticës së Hormuzit, një nga korridoret më strategjike për transportin global të naftës. Zëdhënësi i ushtrisë iraniane, Mohammad Akraminia, ka njoftuar se Teherani do të rishikojë rregullat e kalimit në këtë zonë jetike për tregtinë e energjisë. Ligjvënësit iranianë po përgatisin një projektligj që synon formalizimin e administrimit të Ngushticës së Hormuzit, duke përfshirë ndalimin e kalimit për anijet e “shteteve armiqësore”. Këto masa pritet të ndikojnë ndjeshëm në lëvizjen e anijeve dhe në stabilitetin e tregjeve ndërkombëtare të energjisë.