Shoqata Norvegjeze e Futbollit ka marrë një vendim të veçantë duke vendosur që të gjitha të ardhurat nga shitja e biletave të ndeshjes kualifikuese për Kupën e Botës 2026 ndaj Izraelit t’i dhurohen për ndihma humanitare në Rripin e Gazës. Këto fonde do të shpërndahen për organizata mjekësore dhe humanitare në terren, përfshirë edhe Mjekët pa Kufij, të cilët ofrojnë kujdes jetik për civilët e prekur nga konflikti.