Organizata Botërore e Shëndetësisë (OBSH) ka shpallur zyrtarisht përfundimin e shpërthimit të Hantavirusit, pasi që nga 25 maji nuk janë regjistruar raste të reja. Drejtori i Përgjithshëm i OBSH-së, Tedros Adhanom Ghebreyesus, njoftoi se kontakti i fundit i një personi të ekspozuar ka përfunduar periudhën e karantinës me rezultat negativ dhe është kthyer në shtëpi. Gjatë këtij shpërthimi u regjistruan 13 raste, prej të cilëve tre persona humbën jetën, ndërsa mbi 650 kontakte në 33 vende u monitoruan nga autoritetet shëndetësore. Megjithatë, OBSH thekson se puna nuk përfundon me mbylljen e shpërthimit dhe do të vazhdojë bashkëpunimin me qeveritë dhe partnerët ndërkombëtarë për të zhvilluar metoda më të avancuara diagnostikuese, trajtime dhe vaksina për të ardhmen.