Këshilli i Sigurimit i Kombeve të Bashkuara miratoi me shumicë votash rezolutën e propozuar nga Bahrejni, e cila i kërkon Iranit të ndalojë menjëherë sulmet ndaj vendeve të Gjirit Persik dhe Jordanisë. Rezoluta dënon ashpër këto sulme, duke i cilësuar si shkelje të së drejtës ndërkombëtare dhe kërcënim serioz për paqen dhe sigurinë ndërkombëtare. Ajo u miratua me 13 vota pro, ndërsa Rusia dhe Kina abstenuan, duke argumentuar se rezoluta ishte e pabarabartë pasi nuk përmendte sulmet kundër Teheranit dhe se përpjekjet për të përfshirë sulmet fillestare të Izraelit dhe SHBA-së nuk u pranuan. Një rezolutë alternative e propozuar nga Rusia, që kërkonte vetëm ndërprerjen e aktiviteteve ushtarake pa përmendur palët e konfliktit, nuk u miratua. Ambasadori i Bahreinit në OKB përshëndeti mbështetjen e gjerë ndërkombëtare, duke theksuar rëndësinë e ruajtjes së paqes dhe sigurisë në rajon.