Një operacion i gjerë kundër korrupsionit po zhvillohet në Irak, ku forcat speciale kanë arrestuar figura të larta politike dhe zyrtarë qeveritarë në Zonën e Gjelbër të Bagdadit. Hetimet përfshijnë një rrjet të gjerë korrupsioni me vlera të dyshuara deri në 50 miliardë dollarë, duke e bërë këtë fushatë më të madhen antikorrupsion që prej vitit 2003. Mes të arrestuarve është edhe drejtori i Kompanisë së Naftës Veriore, ndërsa disa të dyshuar kanë tentuar të largohen para bastisjeve. Operacioni ka shkaktuar reagime të forta politike dhe dyshime nëse është thjesht një luftë kundër korrupsionit apo edhe një përballje mes grupeve politike në vend.