Prokuroria e Përgjithshme e Stambollit ka kryer një operacion të madh duke arrestuar 29 persona nën dyshimet për manipulim të tenderëve publikë, në një hetim që lidhet me një organizatë kriminale të dyshuar si e drejtuar nga kryebashkiaku Ekrem İmamoğlu. Sipas autoriteteve, përmes kompanisë Agaç ve Peyzaj A.Ş., e lidhur me bashkinë, është krijuar një sistem i sajuar tenderësh që favorizonte në mënyrë të paligjshme subjekte të caktuara. Në total janë lëshuar 30 urdhra ndalimi, ndërsa një i dyshuar ndodhet jashtë vendit dhe kërkohet nga autoritetet. Hetimet vazhdojnë, ndërsa më parë kryebashkiaku İmamoğlu është përballur me akuza të rënda si korrupsion dhe mbështetje të terrorizmit, por detaje të reja për rolin e të arrestuarve nuk janë bërë publike.