Papa Leo bëri një thirrje të fuqishme për paqe në Lindjen e Mesme, duke i nxitur udhëheqësit që të hapin hapësira të sinqerta dialogu dhe të ndalojnë konfliktet që po shkaktojnë vuajtje të mëdha njerëzore. Ai theksoi se lufta është një skandal për njerëzimin dhe se dhuna dhe vdekjet nga konfliktet globale janë të papranueshme. Apeli i tij erdhi në një kohë kur luftimet mes SHBA-Izrael dhe Iranit vazhdojnë, ndërsa në Liban situata është përkeqësuar dhe rajoni po përjeton një thellim të konfliktit. Papa kërkoi lutje dhe përpjekje të vendosura për të ndalur armiqësitë dhe për të hapur rrugë drejt paqes dhe respektit për dinjitetin njerëzor.