Autoritetet australiane kanë lëshuar një paralajmërim për qytetarët e tyre që planifikojnë të udhëtojnë në Maqedoni, për shkak të shpërthimit të Etheve të Nilit Perëndimor në këtë vend. Aktualisht janë regjistruar 55 raste, me 19 persona të shtruar në spital dhe gjashtë të vdekur që nga fillimi i vitit. Megjithëse niveli i paralajmërimit mbetet i ulët, rekomandohet përdorimi i repelentëve kundër mushkonjave, veshja e rrobave të gjata dhe qëndrimi në ambiente të mbyllura të mbrojtura. Autoritetet theksojnë mungesën e vaksinës kundër këtij virusi dhe nxisin masat e kujdesit për të parandaluar përhapjen e tij.