Ministri i Sigurisë Kombëtare i Izraelit, Itamar Ben-Gvir, ka reaguar ashpër pas sulmit me raketa të lansuar nga Irani drejt veriut të Izraelit, duke paralajmëruar sulme të ashpra ndaj Teheranit. Ky sulm raketor është i pari që nga prilli dhe vjen si përgjigje ndaj sulmeve izraelite në Bejrut, kryeqytetin e Libanit. Në një postim në platformën “X”, Ben-Gvir ka deklaruar se "Sonte Teherani duhet të digjet!", duke rritur tensionet në rajon. Situata mbetet e ndjeshme dhe pritet të ketë zhvillime të mëtejshme në ditët në vijim.