Drejtori i përgjithshëm i OBSH-së, Tedros Adhanom Ghebreyesus, ka paralajmëruar se epidemia e virusit Ebola në Afrikë mund të përkeqësohet ndjeshëm para se të përmirësohet situata. Ai e përshkroi situatën si jashtëzakonisht serioze dhe theksoi se epidemia po përhapet më shpejt se sa po ndërmerren masa për ta kontrolluar atë. OBSH-ja po intensifikon operacionet në zonat e prekura, duke dërguar pajisje mjekësore dhe duke zbatuar masa parandaluese, ndërsa theksoi rëndësinë e fitimit të besimit të popullsisë lokale dhe izolimin e kontakteve të rasteve të dyshuara. Sipas të dhënave nga ministria e Shëndetësisë së Kongos, janë regjistruar mbi 900 raste të dyshuara dhe më shumë se 200 viktima, duke përfshirë 10 raste të konfirmuara me virusin vdekjeprurës. Kreu i OBSH-së do të udhëtojë në Kongo për të ndjekur nga afër situatën në terren.