Hetimet për skandalin e përvetësimit të fondeve të destinuara për blerjen e armatimit nga Ukraina po zgjerohen ndërkombëtarisht, duke përfshirë edhe Bosnjën e Hercegovinës. Matias Zubak, sipërmarrësi kroat dhe pronar i një kompanie të përfshirë në këtë aferë, është shpallur në kërkim ndërkombëtar nga autoritetet ukrainase, ndërsa paratë e skandalit janë përdorur për blerjen e fabrikës së eksplozivëve Vitezit në Bosnjë. Hetimet përfshijnë institucione të drejtësisë në Ukrainë, Bosnjë e Hercegovinë dhe Çeki, ku paratë janë transferuar dhe më pas shpërndarë në disa vende të Evropës. Ndërkohë, fabrika e Vitezit, dikur një gjigant industrial, është në rrënoja dhe në qendër të hetimeve për shitje të paligjshme dhe korrupsion, ndërsa autoritetet po përpiqen të zbulojnë fatin e parave dhe përgjegjësit e këtij skandali.