Dhjetëra mijëra pasagjerë janë bllokuar në Dubai për shkak të luftës që përfshin Iranin dhe është përhapur në rajonin e Gjirit, duke shkaktuar mbylljen e aeroporteve kryesore në Dubaj, Abu Dabi dhe Doha. Pasagjerët më të pasur po paguajnë deri në 200 mijë euro për fluturime private luksoze drejt Evropës, duke përdorur aeroporte të sigurta nga sulmet iraniane. Për të evituar bllokimin, shumë udhëtarë po udhëtojnë me tokë drejt Muskatit të Omanit ose Riadit të Arabisë Saudite, nga ku hipin në fluturime komerciale ose charter me çmime shumë më të larta se zakonisht. Ekspertët shpjegojnë se këto çmime të larta reflektojnë mungesën e aeroplanëve të disponueshëm dhe rreziqet e operimit në kushtet e konfliktit, jo vetëm spekulime tregu.