Indeksi Global i Pasaportave për vitin 2026 ka renditur Zvicrën në vendin e dytë mes vendeve me pasaportën më të fuqishme në botë, duke theksuar dominimin e vendeve evropiane në këtë klasifikim. Ky indeks nuk bazohet vetëm në numrin e vendeve ku mund të udhëtohet pa vizë, por përfshin edhe faktorë të tjerë si mundësitë për investime, cilësinë e shëndetësisë, sigurinë, inovacionin, klimën, infrastrukturën sociale dhe politikat tatimore. Në krye të listës qëndron Suedia, ndërsa në dhjetëshen e parë janë edhe Finlanda, Gjermania, Holanda, Danimarka, Irlanda, Mbretëria e Bashkuar, Norvegjia dhe Singapori si i vetmi jashtë Evropës. Ndërkaq, Shtetet e Bashkuara kanë rënë në vendin e 12-të për shkak të rikthimit të disa regjimeve të vizave nga vende partnere.