Parlamentit Evropian ka publikuar një draft-raport ku vlerëson se progresi i Serbisë drejt anëtarësimit në Bashkimin Evropian është ndalur vitet e fundit, duke theksuar shqetësime serioze për gjendjen e demokracisë, sundimin e ligjit dhe liritë themelore. Raporti nënvizon nevojën për reforma strukturore, luftë kundër korrupsionit dhe normalizim të marrëdhënieve me Kosovën, duke kërkuar gjithashtu mbajtjen e zgjedhjeve të lira dhe të ndershme si zgjidhje për krizën politike. Dokumenti kritikon përdorimin e tepërt të forcës policore ndaj protestuesve dhe ndryshimet në ligjet e gjyqësorit që dobësojnë pavarësinë e tij, duke kërkuar pezullimin dhe rishikimin urgjent të tyre. Një pikë kyçe e raportit është kërkesa për ndjekje penale të autorëve të sulmit terrorist në Banjska në vitin 2023, veçanërisht Milan Radoiçiqit, duke shprehur keqardhje për mosveprimin e Serbisë në këtë drejtim.