Ankara po finalizon përgatitjet për Samitin e NATO-s që do të mbahet më 7 dhe 8 korrik, ku do të zhvillohet edhe takimi i shumëpritur mes presidentit amerikan Donald Trump dhe homologut turk Recep Tayyip Erdogan. Trump pritet të mbërrijë në kryeqytetin turk më 7 korrik, ku do të bëjë homazhe në mauzoleun e Atatürk-ut dhe më pas do të pritet në Pallatin Presidencial për ceremoninë zyrtare dhe bisedimet kokë më kokë. Në fokus të takimit do të jenë marrëdhëniet dypalëshe, çështjet e sigurisë, bashkëpunimi në NATO dhe zhvillimet rajonale e ndërkombëtare, ndërsa nuk përjashtohet mundësia e një konference të përbashkët për mediat dhe nënshkrimi i marrëveshjeve bashkëpunimi. Gjithashtu, më 7 korrik do të mbahet Forumi i Industrisë së Mbrojtjes në Qendrën e Kongreseve ATO, me pjesëmarrjen e zyrtarëve të NATO-s dhe përfaqësuesve të industrisë së mbrojtjes, për të forcuar partneritetet në këtë sektor.