Në kufirin mes Nepalit dhe Tibetit, përmbytjet e shkaktuara nga shkëputja e një akullnaje në Himalaje kanë prekur të paktën 93 mijë persona, duke shkaktuar dëme të mëdha materiale dhe mbi 580 viktima. Një vërshim masiv uji, balte dhe shkëmbinjsh ka shkatërruar fshatra, rrugë, ura dhe termocentrale, ndërsa operacionet e kërkim-shpëtimit po pengohen nga kushtet e vështira dhe rreziku i përmbytjeve të reja. Autoritetet raportojnë gjithashtu rreth 1,900 persona të zhdukur, përfshirë shumë shtetas të huaj që ndodheshin në zonë për ecje malore ose pelegrinazh. Ngjarjet ekstreme të motit dhe shkrirja e akullnajave, të përshpejtuara nga ngrohja globale, po rrisin rrezikun e katastrofave të tilla në rajon.