Shtetet e Bashkuara kanë goditur disa cisterna iraniane pranë ishullit Kharg dhe portit Jask në Ngushticën e Hormuzit, në përgjigje të përpjekjeve të Iranit për të sulmuar me raketa një anije luftarake amerikane. Sulmet ushtarake synojnë objektiva të lidhura me Gardën Revolucionare Islamike të Iranit dhe vijnë në një kohë kur SHBA po përpiqet të mbajë kontrollin mbi kalimin e anijeve tregtare në këtë rrugë strategjike. Pas sulmeve, tensioni është përshkallëzuar, ndërsa Gardën Revolucionare iraniane ka paralajmëruar ekuipazhet e cisternave pranë porteve të Kuvajtit dhe Bahreinit për të larguar anijet, duke kërcënuar me shënjestrim nëse forcat amerikane veprojnë aty. Ndërkohë, SHBA ka vendosur edhe sanksione të reja ndaj sektorit të aviacionit iranian, duke rritur presionin ekonomik dhe ushtarak ndaj Teheranit, ndërsa çmimi i naftës Brent po afrohet me 100 dollarë për fuçi për shkak të frikës së ndërprerjes së furnizimeve energjetike.