Ministria e Punëve të Jashtme e Izraelit ka publikuar një hartë ku akuzon Turqinë për kontroll dhe “pushtim” të territoreve në Siri, Irak dhe Qipro, duke theksuar se Ankaraja ka mijëra ushtarë dhe dhjetëra baza ushtarake në këto vende. Sipas Izraelit, Turqia kontrollon 36% të Qipros, 5% të Sirisë dhe rreth 2000 kilometra katrorë të Irakut, ndërsa vetë Izraeli pretendon se kontrollon vetëm 0.1% të territorit sirian, të cilin e përshkruan si një zonë tampon për sigurinë e qytetarëve të tij.