Konflikti mes Rusisë dhe Ukrainës është përshkallëzuar me një valë sulmesh intensive, ku qyteti i Donetskut u trondit nga shpërthime të shumta. Ushtria ukrainase përdori dronë me ngarkesa shpërthyese të mëdha, ndërsa Moska pretendon goditje në 138 rajone të Ukrainës, duke përfshirë infrastrukturën kritike dhe pozicione ushtarake. Në Detin e Zi, dronët rusë sulmuan portin e Odesës, duke shkaktuar dëme në vendet e ankorimit dhe magazinat, por pa viktima. Nga ana tjetër, Ukraina ka ndërmarrë kundërsulme me dronë në territorin rus, duke goditur infrastrukturë nafte dhe një post komandues në Donetsk, ku raportohet për viktima dhe plagosje në radhët e forcave ruse. Forcat Ajrore ukrainase njoftojnë se prej mbrëmjes së së martës janë lëshuar 215 dronë nga Rusia, prej të cilëve shumica janë rrëzuar ose neutralizuar.