Irani ka nisur një sulm të paprecedentë në Lindjen e Mesme, duke goditur objektiva amerikane në disa vende njëkohësisht, përfshirë Emiratet e Bashkuara Arabe, Katarin, Bahreinin dhe Kuvajtin. Sulmet kanë shkaktuar sirena alarmi në Tel Aviv dhe mbylljen e hapësirës ajrore në Abu Dhabi, ndërsa Izraeli dhe SHBA-ja kanë nisur një fushatë ushtarake të koordinuar kundër Iranit, me goditje në qytete të ndryshme iraniane si Teherani dhe Isfahani. Kryeministri izraelit Benjamin Netanyahu ka kërkuar ndryshim regjimi në Iran dhe ka emërtuar operacionin ushtarak “Ulërima e Luanit”, ndërsa ushtarakët iranian paralajmërojnë një “mësim historik” për Izraelin dhe SHBA-në si përgjigje ndaj sulmeve. Bashkimi Evropian ka dënuar veprimet e Iranit si kërcënim global dhe po punon për rrugë diplomatike për të mbrojtur civilët dhe për të shmangur përshkallëzimin më të madh të konfliktit në rajon.