Në margjinat e samitit të NATO-s në Ankara, ministri i Jashtëm i Polonisë, Radoslaw Sikorski, ka ngritur alarmin për kërcënimet e vazhdueshme hibride nga Rusia ndaj Europës. Ai theksoi se Rusia ka përdorur tashmë metoda si zjarrvënie, atentate, ndërhyrje politike, dezinformim masiv dhe terrorizëm shtetëror, duke paralajmëruar se Perëndimi nuk mund t’i injorojë më këto sulme. Shtetet e Bashkuara kanë paralajmëruar Poloninë se presidenti rus Vladimir Putin mund të nisë sulme të kufizuara, përfshirë përdorimin e dronëve apo mjeteve të tjera hibride. Mesazhi i qartë i Polonisë për Putinin është që të mos ndërmarrë veprime të tilla, pasi janë të njohura planet dhe pasojat që do të sjellin.