Një grua kanadeze me origjinë kineze, e cila kishte qenë praktikante në SHAPE, selia kryesore e komandës ushtarake të NATO-s në Mons të Belgjikës, është arrestuar nën dyshimin për spiunazh dhe përfshirje në një organizatë kriminale. Autoritetet belge dyshojnë se ajo ka vepruar në emër të një vendi të tretë, por nuk kanë zbuluar identitetin e këtij shteti. Hetimet janë ende në zhvillim dhe prokuroria nuk ka dhënë detaje të mëtejshme për natyrën e veprimtarisë së saj apo informacionet që mund të ketë pasur qasje gjatë praktikës. Arrestimi ndodh në një kohë kur NATO-ja po rrit vigjilencën ndaj kërcënimeve të spiunazhit dhe ndërhyrjeve të huaja në institucionet e sigurisë dhe mbrojtjes.