Presidenti kroat Zoran Milanoviq ka refuzuar të miratojë emërimin e ambasadorit të ri izraelit në Zagreb, duke argumentuar se politika e qeverisë aktuale izraelite është arsyeja kryesore për këtë vendim. Zyra e presidentit theksoi se dhënia e pëlqimit për ambasadorët është e drejtë sovrane dhe se asnjë presion nga pala izraelite nuk do ta ndryshojë këtë qëndrim. Milanoviq ka qenë kritik i ashpër i veprimeve ushtarake të Izraelit në Gaza dhe më parë kishte shmangur komentet publike për të ruajtur praktikën diplomatike. Ministria e Jashtme izraelite po punon për të zgjidhur këtë çështje, ndërsa tensionet mes dy vendeve janë rritur për shkak të konfliktit në Lindjen e Mesme dhe qëndrimeve të Kroacisë ndaj bashkëpunimit ushtarak me Izraelin.