Dr. Jasmin Mujanoviç, ekspert i njohur për Ballkanin, i bëri thirrje SHBA-së dhe Kanadasë që të ushtrojnë më shumë presion ndaj pesë vendeve të Bashkimit Evropian që ende nuk e njohin pavarësinë e Kosovës: Spanjës, Sllovakisë, Greqisë, Qipros dhe Rumanisë. Ai kërkon që mosnjohja të trajtohet si një çështje dypalëshe mes këtyre vendeve dhe dy fuqive perëndimore, duke synuar një politikë më të koordinuar dhe proaktive për stabilitetin dhe integrimin euroatlantik në Ballkanin Perëndimor. Dëshmia e Mujanoviç u dha para Komisionit të Përhershëm për Punë të Jashtme dhe Zhvillim Ndërkombëtar të Dhomës së Përfaqësuesve të Kanadasë, në një kohë kur tensionet gjeopolitike në rajon po rriten. Eksperti thekson rëndësinë e angazhimit më të thelluar të Kanadasë dhe SHBA-së për të adresuar sfidat e sigurisë dhe për të avancuar stabilitetin në Ballkan.