Prindon Sadriu, Zoti i Parë i Republikës së Kosovës, është ftuar nga Melania Trump për të marrë pjesë në Samitin inaugurues të Koalicionit Botëror Fostering the Future Together (FFT), që do të mbahet më 24 dhe 25 mars në Shtëpinë e Bardhë dhe në Departamentin amerikan të Shtetit. Ky samit do të bashkojë përfaqësues nga vende të ndryshme dhe partnerë ndërkombëtarë për të diskutuar mënyrat e avancimit të mbrojtjes dhe zhvillimit të fëmijëve në epokën digjitale. Pjesëmarrja e Kosovës në këtë koalicion, e iniciuar nga Presidentja Vjosa Osmani-Sadriu, do të mundësojë akses për nxënësit dhe fëmijët në projekte dhe programe të avancuara teknologjike amerikane, duke përfshirë përdorimin e inteligjencës artificiale dhe mjete edukative moderne. Kjo nismë tregon përkushtimin e institucioneve kosovare për të mbrojtur dhe përmirësuar mirëqenien e fëmijëve në një kohë të zhvillimeve të shpejta teknologjike.