Hafiz Egzon Ibrahimi, recitues i njohur i Kuranit nga Kosova, u ndalua në aeroportin e Bostonit dhe iu refuzua hyrja në Shtetet e Bashkuara, pavarësisht se kishte vizë të vlefshme. Ai ishte planifikuar të zhvillonte një tur fetar në disa qendra islame amerikane, por pas këtij vendimi, aktivitetet u anuluan nga qendra islame "Al Huda Community Center" në Chelsea të Bostonit. Autoritetet amerikane nuk kanë dhënë arsye zyrtare për refuzimin, ndërsa qendra islame ka ndryshuar formulimin e njoftimit duke e shtyrë turin pa dhënë detaje të mëtejshme. Ky rast vjen në një kohë kur kontrollet në pikat kufitare amerikane janë ashpërsuar, sidomos pas rikthimit të Donald Trump në Shtëpinë e Bardhë, duke i dhënë oficerëve të emigracionit kompetenca të gjera për të refuzuar hyrjen edhe me vizë të vlefshme.