Pas periudhës së tensioneve dhe sulmeve ndaj anijeve tregtare, disa anije të mëdha kanë rifilluar kalimin nëpër Ngushticën e Hormuzit, duke zgjedhur kryesisht itinerarin pranë bregdetit të Omanit për siguri më të madhe. Gjatë së dielës, në Gjirin Persik kanë hyrë dy cisterna nafte, dy anije për transportin e gazit të lëngshëm dhe një anije kontejnerësh, të gjitha me transponderët aktivizuar dhe duke kaluar në një zonë të ndjeshme për shkak të rrezikut nga sulmet me dronë dhe minat detare. Gjiganti francez CMA CGM njoftoi kalimin e suksesshëm të anijes së tij kontejnerike Galapagos në këtë rrugë, duke e konsideruar këtë një moment kyç në një rajon kompleks që kërkon vigjilencë të vazhdueshme. Ndërkohë, Qendra e Përbashkët e Informacionit Detar e Shteteve të Bashkuara ka ngritur nivelin e kërcënimit në “të konsiderueshëm”, megjithatë ka zgjeruar korridorin jugor pranë Omanit për të lehtësuar qarkullimin e anijeve në të dy drejtimet.