Autoritetet e Aeroportit të Dubait kanë njoftuar rifillimin e kufizuar të fluturimeve nga sonte, duke operuar vetëm një numër të vogël fluturimesh nga Aeroporti Ndërkombëtar i Dubait dhe Aeroporti Ndërkombëtar Al Maktoum. Kompania ajrore Emirates do t’u japë përparësi pasagjerëve me rezervime të mëparshme dhe do të kontaktojë drejtpërdrejt ata që janë rirezervuar për këto fluturime të kufizuara, ndërsa udhëtarëve u kërkohet të mos paraqiten në aeroport pa njoftim të konfirmuar. Fluturimi i parë i Emirates nga Dubai është planifikuar për në Mumbai në orën 20:00 lokale, ndërsa fluturimet nga aeroporti i Abu Dhabit mbeten të pezulluara. Ndërkaq, Gjermania ka njoftuar dërgimin e avionëve për evakuimin e turistëve nga Lindja e Mesme, dhe Britania e Madhe po punon intensivisht për kthimin e rreth 100 mijë shtetasve të saj nga rajoni.