Një gjykatë federale në SHBA ka rrëzuar ndalimin për lëshimin e vizave të emigrantëve për qytetarët e 75 vendeve, përfshirë Maqedoninë e Veriut, një masë e vendosur nga administrata Trump në janar. Ndalimi kishte pezulluar vizat e qëndrimit të përhershëm për ata që synonin të shpërnguleshin në SHBA për arsye familjare ose punësimi, duke u justifikuar si një mënyrë për të parandaluar varësinë nga ndihmat sociale. Gjyqtarja Janet Vargas vlerësoi se ndalimi ishte në kundërshtim me ligjin, pasi refuzimet ishin bërë vetëm mbi bazën e vendit të origjinës, pa marrë parasysh situatën individuale të aplikantëve. Vendimi i gjykatës i jep administratës afat deri më 11 shtator për të propozuar zgjidhje, ndërsa kjo e fundit ka të drejtë të apelojë, duke hapur një fazë të re në debatin për politikën e imigracionit amerikan.