Presidenti francez Emmanuel Macron ka theksuar rëndësinë e rihapjes së Ngushticës së Hormuzit si një hap kyç për stabilitetin në Lindjen e Mesme dhe ka bërë thirrje për ulje të tensioneve dhe rikthim të bisedimeve diplomatike mes palëve në konflikt. Ai ka njoftuar se do të zhvillojë një bisedë me presidentin iranian, pas një kërkese nga ky i fundit, duke shprehur nevojën për respekt ndaj të gjitha shteteve të rajonit dhe ndalimin e menjëhershëm të armiqësive. Macron paralajmëroi se çdo veprim ushtarak i njëanshëm, sidomos kundër anijeve tregtare, mund të përshkallëzojë konfliktin dhe të rrezikojë sigurinë detare dhe stabilitetin rajonal. Në këtë kontekst, ai nënvizoi gjithashtu rëndësinë e bashkëpunimit ndërkombëtar dhe qëndrimin e Francës për stabilitetin e tregtisë globale, duke paralajmëruar për pasojat e mundshme të tarifave të reja nga SHBA-ja.