Gjatë shfaqjes ajrore “Athens Flying Week” në Tanagra të Greqisë, një avion ushtarak Phantom F-4 u rrëzua në mënyrë të papritur gjatë fluturimit demonstrues. Avioni humbi kontrollin gjatë rrotullimit të dytë dhe shpërtheu menjëherë pas përplasjes, ndërsa dy pilotët, një kapiten dhe një toger i parë, rezultojnë ende të zhdukur. Nuk dihet nëse pilotët arritën të përdorin sistemin e katapultimit, pasi kjo do të konfirmohet pas përfundimit të operacionit të kërkim-shpëtimit që po vazhdon në zonë. Ngjarja tronditi mijëra spektatorë dhe autoritetet greke po hetojnë rrethanat e aksidentit.