Një raport ndërkombëtar i publikuar nga World Obesity Federation paralajmëron se deri në vitin 2040, deri në 227 milionë fëmijë në mbarë botën mund të jenë obezë, ndërsa mbi gjysmë miliardi do të jenë mbipeshë nëse nuk ndërmerren masa drastike. Aktualisht, në vitin 2025, rreth 180 milionë fëmijë janë obezë, me nivele të larta sidomos në vende si Kina, India dhe SHBA, ku dy në pesë fëmijë janë mbipeshë ose obezë. Raporti thekson se kjo situatë do të sjellë një rritje të shenjave të hershme të sëmundjeve kronike si hipertensioni dhe sëmundjet kardiovaskulare tek fëmijët, duke paralajmëruar një krizë shëndetësore globale.