Qeveria e Singaporit ka vendosur të rrisë pagat vjetore të ministrave dhe zyrtarëve të lartë, duke përfshirë kryeministrin Lawrence Wong, i cili tashmë është lideri politik më i paguar në botë. Rritja e pagës së Wong është rreth 1.1 milionë dollarë amerikanë (ose rreth 1 milion euro), duke e çuar pagën e tij totale në rreth 2.8 milionë dollarë në vit, një rritje me më shumë se 60%. Kryeministri ka njoftuar se këtë shtesë do ta dhurojë për bamirësi gjatë pesë viteve të ardhshme, ndërsa argumenton se rritja e pagave është e nevojshme për të tërhequr njerëz të aftë në politikë dhe për të krijuar një ekip më të fortë qeverisës.