Një stuhi e fuqishme ka përfshirë qytetin e Mekës, ku një rrufe e fuqishme goditi Kullën e Sahatit, një nga strukturat më të larta dhe ikonike të qytetit me lartësi rreth 601 metra. Momenti spektakolar është kapur nga fotografi Youssef Badjas dhe është bërë viral në rrjetet sociale, duke tërhequr vëmendjen e mijëra përdoruesve. Astronomi saudit Mulham Hindi konfirmoi se gushti dhe shtatori janë muaj me aktivitet të shtuar stuhish në këtë rajon të Arabisë Saudite, ndërsa moti i keq përfshiu edhe zonën përreth Xhamisë së Madhe, ku pelegrinët falën namazin e Jacisë nën reshjet e shiut. Pamjet mbresëlënëse të rrufesë dhe stuhisë kanë krijuar një panoramë të paharrueshme mbi qytetin e shenjtë mysliman.