Presidenti rus Vladimir Putin ka shpallur një armëpushim të përkohshëm me Ukrainën me rastin e festës së Pashkëve Ortodokse, i cili do të hyjë në fuqi më 11 prill në orën 16:00 dhe do të zgjasë deri në fund të 12 prillit 2026. Forcat ruse janë urdhëruar të ndalojnë operacionet në të gjitha frontet, por do të mbeten në gatishmëri për t’u përgjigjur çdo provokimi apo veprimi agresiv nga pala ukrainase. Nga ana tjetër, Kremlini pret që edhe Ukraina të ndjekë të njëjtin qëndrim dhe të shpallë armëpushim gjatë kësaj periudhe festive. Ky vendim erdhi pas thirrjeve të përsëritura të presidentit ukrainas Volodymyr Zelensky për armëpushim, të cilat më parë ishin injoruar nga Moska.