Ministri i Jashtëm rus, Sergei Lavrov, ka deklaruar se Rusia është e gatshme të marrë dhe ripërpunojë uraniumin e pasuruar nga Irani, duke përfshirë edhe transferimin e tij në Rusi për ruajtje. Ai theksoi se çdo veprim duhet të jetë i pranueshëm për Iranin dhe të respektojë të drejtën e tij për pasurimin e uraniumit për qëllime paqësore. Rusia ka qenë pjesë e marrëveshjes së vitit 2015 që synonte frenimin e programit bërthamor iranian në këmbim të lehtësimit të sanksioneve, ndërsa më pas ka ofruar mbështetje politike Teheranit pas tërheqjes së SHBA-së nga marrëveshja. Lavrov gjithashtu nënvizoi mbështetjen e Rusisë dhe Kinës për bisedimet që synojnë zgjidhjen e konfliktit në Lindjen e Mesme në përputhje me të drejtën ndërkombëtare.