Shërbimi i inteligjencës ushtarake ukrainase ka bërë me dije se Rusia është në gjendje të prodhojë më shumë se 200 raketa kruiz dhe balistike çdo muaj, duke ruajtur një rezervë të madhe prej qindra raketash të ndryshme si Onyx, Kalibr, Zircon dhe Iskander-M. Sipas tyre, Moska po përdor edhe raketa të Koresë së Veriut KN-23 për të mbajtur një intensitet të lartë sulmesh kundër Ukrainës, duke kompensuar kështu koston e raketave të veta. Ekspertët ukrainas paralajmërojnë se Rusia mund të përqendrojë sulmet në mënyrë të tillë që të krijojë një dendësi sulmesh që asnjë sistem mbrojtës në botë nuk mund ta ndalojë. Kjo situatë paraqet një sfidë të madhe për Ukrainën, e cila ka mungesë të interceptorëve për sistemin amerikan Patriot dhe përballet me rrezikun e trefishimit të kapaciteteve raketore ruse.