Ukraina ka akuzuar Rusinë për zvarritjen e procesit të shkëmbimit të të burgosurve, i cili parashikohet të jetë 1,000 për secilën palë sipas marrëveshjes të shpallur nga Presidenti amerikan Donald Trump më 8 maj. Avokati i Popullit të Ukrainës, Dmytro Lubinets, ka deklaruar se pala ukrainase ka dorëzuar tashmë listat me emrat për shkëmbimin, por Moska po ngadalëson procesin. Edhe pse kontaktet mes palëve nuk janë ndërprerë dhe negociatat vijojnë çdo ditë, autoritetet ukrainase mbeten skeptike për zbatimin e plotë të marrëveshjes nga ana e Rusisë. Lubinets thekson se nuk mund të jesh kurrë 100% i sigurt në respektimin e angazhimeve nga Moska, duke lënë të hapur mundësinë e vështirësive në realizimin e shkëmbimit.