Media e pavarur ruse, Mediazona dhe shërbimi rus i BBC-së kanë konfirmuar identitetet e 225.019 ushtarëve rusë të vrarë në luftën kundër Ukrainës, me një shtesë prej 3813 viktimash që nga fundi i majit. Këto të dhëna bazohen në burime të hapura si nekrologjitë, njoftimet familjare dhe raportimet lokale, ndërsa ekspertët paralajmërojnë se numri real mund të jetë shumë më i lartë. Në mesin e të vrarëve janë vullnetarë, të burgosur të rekrutuar dhe ushtarë të mobilizuar, përfshirë mbi 7226 oficerë. Autoritetet ukrainase dhe perëndimore vlerësojnë se humbjet ruse janë shumë më të mëdha se ato ukrainase, ndërsa Rusia nuk publikon të dhëna zyrtare për humbjet ushtarake që nga fillimi i luftës.