Sekretari i Përgjithshëm i Kombeve të Bashkuara, António Guterres, ka bërë thirrje për krijimin e një kuadri ndërkombëtar politik për rregullimin e Inteligjencës Artificiale (IA), duke theksuar nevojën për kufij dhe rregulla të qarta. Ai paralajmëroi se IA po transformon thelbësisht botën, duke ndikuar në ekonomi, punë, zgjedhje dhe siguri, por po përdoret gjithashtu në konfliktet e armatosura me robotë vrasës. Një prioritet i veçantë sipas tij duhet të jetë mbrojtja e fëmijëve dhe të rinjve, të cilët janë të ekspozuar ndaj ndikimeve të rrezikshme dhe mund të shndërrohen në "kavie" të teknologjisë së parregulluar. Dialogu i OKB-së për IA-në synon të jetë një forum për shkëmbimin e ideve, ndërsa ekspertët paralajmërojnë për mungesën e burimeve dhe transparencës në vlerësimin e sistemeve të avancuara të IA-së.