Policia spanjolle ka ndaluar një anije mallrash në ujërat ndërkombëtare pranë Ishujve Kanarie, duke sekuestruar një sasi rekord prej 30,000 deri në 45,000 kilogramë kokainë. Operacioni u cilësua si një "goditje historike ndaj trafikut të drogës" dhe rreth 20 persona u arrestuan gjatë ndërhyrjes. Anija kishte nisur udhëtimin nga Sierra Leona dhe ishte në rrugë për në Libi, ku droga pritej të shpërndahej nëpër anije më të vogla për tregun evropian. Ministri i Brendshëm i Spanjës e përshkroi këtë sekuestrim si një nga më të mëdhenjtë në nivel kombëtar dhe ndërkombëtar, duke theksuar rëndësinë e këtij suksesi për Shërbimin Detar të Gardës Civile.