Autoritetet në Sri Lanka, në bashkëpunim me agjencitë amerikane, kanë sekuestruar 463 kilogramë metamfetaminë kristalore në portin e Kolombos, e fshehur brenda peshqirëve të banjës në një kontejner që vinte nga Pakistani. Vlera e drogës kap shifrën e 21 milionë dollarëve, ndërsa në pranga ranë tre persona, dy pakistanezë dhe një shtetas i Sri Lankës. Operacioni u zhvillua pas një periudhe vëzhgimi dhe është pjesë e një fushate më të gjerë kundër trafikut të narkotikëve, ku që nga tetori i vitit të kaluar janë sekuestruar rreth 14 tonë lëndë narkotike. Autoritetet theksojnë se trafiku i drogës lidhet me financimin e aktiviteteve terroriste dhe përbën një kërcënim serioz për komunitetet lokale dhe ndërkombëtare.