Autoritetet irakiane kanë sekuestruar 375 kilogramë ar gjatë një operacioni të koordinuar me Rajonin e Kurdistanit, në kuadër të hetimeve për korrupsion ndaj ish-zëvendësministrit të Naftës, Adnan Al Jumaili. Ai u arrestua muajin e kaluar nën dyshimet për keqpërdorim të burimeve shtetërore dhe kontratave qeveritare për përfitime personale dhe ryshfet. Pasuria e sekuestruar, e dorëzuar në Bankën Qendrore të Irakut, përfshin edhe pasuri të tjera që kapin vlerën mbi 81 milionë euro, përveç automjeteve dhe stolive prej ari. Ky rast është pjesë e fushatës kombëtare kundër korrupsionit “Operation Dawn”, që synon ndjekjen e personave të dyshuar brenda dhe jashtë vendit, duke përfshirë bashkëpunimin ndërkombëtar.