Asambleja e Përgjithshme e Kombeve të Bashkuara miratoi një rezolutë për përdorimin e një harte të re të botës, e cila synon të paraqesë më saktë madhësinë relative të kontinenteve, veçanërisht Afrikën. Rezoluta u miratua me shumicë dërrmuese prej 164 votash pro, ndërsa Shtetet e Bashkuara votuan kundër dhe gjashtë vende abstenuan, përfshirë Serbinë. Arsyeja e abstenimit të Serbisë lidhet me faktin që harta e re përdor projeksionin “Equal Earth”, ku Kosova paraqitet si shtet i pavarur, gjë që bie ndesh me rendin kushtetues dhe interesat kombëtare të Serbisë. Ministria e Jashtme e Serbisë theksoi se mbështetja e rezolutës mund të interpretohet si njohje e pavarësisë së Kosovës, ndaj vendi i tyre nuk mund ta mbështesë këtë iniciativë.