Presidentja e Komisionit Evropian, Ursula von der Leyen, ka theksuar se incidentet e fundit me dronë dhe shkeljet e hapësirës ajrore në vendet baltike janë pjesë e një strategjie hibride që synon destabilizimin e demokracive evropiane. Ajo ka akuzuar Moskën për përpjekje të qëllimshme për të krijuar tension dhe ka paralajmëruar se këto ngjarje nuk janë të izoluara, por një sfidë e përbashkët për sigurinë e gjithë Evropës. Në një konferencë të përbashkët me presidentët e Lituanisë, Letonisë dhe Estonisë, Von der Leyen ka njoftuar një paketë financimi prej 12 miliardë eurosh dhe një rialokim prej 1.5 miliardë eurosh për forcimin e mbrojtjes dhe gatishmërisë në rajon. Ajo ka theksuar nevojën për sisteme më të unifikuara alarmi dhe koordinim ndërkufitar, duke paralajmëruar se ajo që po ndodh në Baltik mund të përballet edhe pjesa tjetër e kontinentit.