Sekretari amerikan i Shtetit, Marco Rubio, akuzoi Iranin se po përpiqet ta mbajë botën peng përmes sulmeve ajrore hakmarrëse ndaj Izraelit dhe vendeve të Gjirit, ku ndodhen baza ushtarake amerikane. Ai theksoi se SHBA-të janë në rrugën e duhur për të shkatërruar kapacitetet raketore dhe marinën iraniane, duke e quajtur regjimin iranian sponsorin kryesor të terrorizmit në botë. Rubio u shpreh se misioni amerikan synon ta bëjë botën më të sigurt pas përmbushjes së objektivave kundër Iranit. Ndërkohë, në Iran u zgjodh Mojtaba Khamenei si lideri i ri suprem, pas vrasjes së të atit, Ajatollah Ali Khamenei, në sulmet amerikano-izraelite më 28 shkurt. Presidenti rus Vladimir Putin e ka uruar Mojtaban dhe ka riafirmuar mbështetjen e Moskës për Teheranin.