Administrata e presidentit amerikan Donald Trump ka publikuar një strategji të re kundër terrorizmit, ku akuzon Evropën si një “inkubator” për terrorizmin, të nxitur nga migrimi masiv dhe politikat aktuale evropiane. Dokumenti përqendrohet gjithashtu në luftën kundër “ekstremistëve të dhunshëm të majtë”, përfshirë grupet radikalisht pro-transgjinore, duke i vendosur këto si kërcënime serioze për sigurinë kombëtare. Strategjia kritikon aleatët europianë të NATO-s për mungesë mbështetjeje dhe paralajmëron se SHBA-ja do të vlerësojë seriozisht kontributin e tyre në luftën kundër terrorizmit. Në të njëjtën kohë, administrata Trump intensifikon fushatën kundër karteleve të drogës në Amerikën Latine, duke kërkuar bashkëpunim më të ngushtë me liderët rajonalë për të goditur këto grupe kriminale që konsiderohen kërcënim për hemisferën perëndimore.