Sekretari amerikan i Mbrojtjes, Pete Hegseth, deklaroi se Shtetet e Bashkuara kanë kapacitetin për të mbajtur bllokadën detare ndaj porteve iraniane për aq kohë sa të jetë e nevojshme, duke theksuar se Marina amerikane mund të vazhdojë operacionin përmes rotacionit të anijeve luftarake në rajon. Kjo bllokadë lidhet ngushtë me përplasjet mes Uashingtonit dhe Teheranit mbi kontrollin e Ngushticës së Hormuzit, një rrugë kyçe për furnizimet globale me naftë dhe gaz. Presidenti amerikan Donald Trump pretendon se SHBA-ja kontrollon plotësisht këtë ngushticë, ndërsa zyrtarët iranianë kundërshtojnë duke thënë se Teherani vazhdon të menaxhojë trafikun në këtë rrugë ujore strategjike. Këto zhvillime vijnë në një kohë tensioni të lartë në Lindjen e Mesme dhe pas stërvitjeve shumëkombëshe ushtarake ku u përfshi edhe aeroplanmbajtësi USS Gridley.