Shtetet e Bashkuara janë përfshirë zyrtarisht në ndërtimin e hidrocentralit “Gjerdap 3”, një projekt të madh energjetik në lumin Danub, në bashkëpunim me Serbinë dhe Rumaninë. Ky hidrocentral reversibil, i cili do të funksionojë si një “bateri natyrore” për sistemin elektroenergjetik, synon të rrisë stabilitetin e energjisë dhe të ulë varësinë nga importi i gazit dhe naftës nga Rusia. Projekti ka përkrahje nga qeveria serbe dhe SHBA-ja, por përballet me kritika për ndikimin në mjedis, pasi do të ndërtohet në Parkun Kombëtar “Gjerdap”, si dhe për koston e lartë dhe kapacitetin që tejkalon nevojat aktuale të Serbisë. Ndërkohë, Rumania dhe Bashkimi Evropian kërkojnë vlerësim të kujdesshëm të ndikimit mjedisor, ndërsa SHBA-ja synon të forcojë sigurinë energjetike rajonale dhe të zvogëlojë dominimin e energjisë ruse në Ballkan.