Ambasada amerikane në Kuvajt është mbyllur "deri në njoftimin e radhës" për shkak të tensioneve të vazhdueshme në rajonin e Lindjes së Mesme. Në deklaratën zyrtare thuhet se janë anuluar të gjitha takimet konsullore, si ato të rregullta ashtu edhe emergjente. Ky vendim vjen pas thirrjeve të Departamentit të Shtetit për amerikanët që të largohen nga zona me mjete komerciale për shkak të rreziqeve serioze të sigurisë. Mbyllja e ambasadës në Kuvajt ndodh në një kohë kur ambasada amerikane në Riad është sulmuar nga dy dronë gjatë natës, duke rritur shqetësimet për sigurinë në rajon.